केटाकेटीहरु कुलतमा फसे, कसको गल्ती ? महत्वपूर्ण जानकारी

अहिलेको समयमा बालबालिकाहरु कुलतमा धेरै फसेको र त्यसबाट निस्कन नसकेको अवस्था देखिरहेका छौ । तर के हामीले यो कुरा ख्याल गरेका छौ कि उनीहरु किन कुलतमा फसिरहेका छन, किन उनीहरु गलत बाटोमा हिडिरहेका छन्, किन बिग्रिन्छन् केटाकेटीहरु ? हामी सधै केटाकेटीहरु कुलतमा फसे भने उनीहरुलाई गाली गर्ने वा कुट्ने पिट्ने गर्छौ । तर के यो समस्याको समाधान हो त ? आखिर कहाँ कसको गल्ति भईरहेको छ र यसरी केटाकेटीहरु कुलतमा फसिरहेका छन् । आज हामी यहि बिषयमा कुरा गर्ने छौ ।

कोहि पनि जन्मिदै खराब भएर जन्मिदैन । किनकि केटाकेटीहरु भनेको एउटा खाली भाडो हो, जसमा हामीले जे भर्न चाह्यौ त्यहि भर्न सक्छौ । त्यसैले एउटा बच्चाले आफ्नो घरपरिवारको क्रियाकलाप बाट ९० प्रतिशत नक्कल गर्न सिक्दछ । आफ्नो आमाले के गरिरहेकी छिन र बाबाले के गरिरहनु भएको छ, यस्ता कुराहरुले पनि एउटा बच्चामा धेरै फरक आउने गर्दछ । यदि घरमा आमाबुबाको झगडा हुने गर्छ भने याद गर्नुहोस, तपाईको झगडाको कारणले पनि एउटाको बच्चाको खुसी नष्ट भईरहेको हुन्छ ।

एउटा बच्चालाई कस्तो बाटोमा हिडाउने भन्ने कुरा आफ्नो आमाबाबुमै भर पर्दछ । यदि तपाईले आफ्नो बच्चालाई समय नै दिन सक्नुहुन्न भने सोच्नुहोस त त्यो बच्चा अब कसलाई हेरेर अगाडी बढ्छ ? दुर्भाग्यबस ऊ गलत संगतमा फस्ने नै गर्दछ । किनकि उसलाई के सहि के गलत भनेर छुट्याउन सिकाउने तपाई आमाबाबुनै आफ्नो बच्चालाई समय दिन सक्नुहुन्न भने बच्चा त अवश्य पनि गलत संगतमा लाग्ने गर्दछ । अब भन्नुहोस केटाकेटीहरु गलत बाटोमा हिड्नु कसको गल्ति हो ?

केटाकेटीहरु कुलतमा फस्नुको मुख्य र प्रमुख कारण भनेको आमाबाबुले आफ्नो केटाकेटीहरुलाई समय नै दिन नसक्नु हो । त्यसैले तपाइँ जतिनै व्यस्त किन नहुनुहोस्, आफ्नो बच्चालाई समय दिने गर्नुहोस । र अर्को कुरा, अस्तव्यस्त होइन मात्र व्यस्त रहनुहोस् । जीवनमा जतिनै दुख गरे पनि मरेपछि तपाइले केहि लैजान पाउनुहुन्न । होला सायद, आफ्नो सन्तानको लागी तपाई दुख गरिरहनु भएको छ तर सन्तानलाई समय दिएर राम्रो बाटोमा लैजान सक्नुभएक भने तपाइले गरेको दुखको पनि के अर्थ रह्यो ?

लागुऔषध प्रयोग गर्ने ३३ प्रतिशत प्लस टु पढ्नेहरु छन् । जसको अभिभावकहरुलेनै आफ्नो छोराछोरीहरु प्रति कुनै चासो देखाउदैनन । उनीहरुको क्रियाकलाप प्रति कुनै वास्ता नै छैन । त्यसैले कलेज पढ्ने बिधार्थीहरु लहैलहैमा लागेर कुलतमा फस्ने गर्दछन । यो आर्टिकल पढ़िसके पछी तपाईले पक्कै पनि आफ्नो छोराछोरीलाई समय दिने गर्नुहुन्छ । किनकि तपाईहरुनै हो आफ्नो छूराछोरीलाइ कस्तो बाटोमा हिडाउने भन्ने व्यक्ति ।

केटाकेटीहरुलाई कुलतबाट कसरी टाढा राख्ने ?

१. बिधालय कलेज सम्मका क्रियाकलापहरुमा रेखदेख गर्ने ।

२. अनावाश्यक खर्चमा नियन्त्रण गर्ने ।

३. छोराछोरी तथा कलेज संग नियमित सम्पर्कमा रहने ।

४. छोराछोरीलाई होस्टेलमा राख्नु भन्दा घरमै पढ्ने वातावारण बनाउने ।

५. अनावश्यक सामाग्रीहरु किन्नमा नियन्त्रण गर्ने ।

६. छोराछोरी सुत्ने/बस्ने कोठा नियमित चेकजाँच गर्ने ।

७. छोराछोरीले बोकेको पर्स अथवा झोला जाच्ने वा हेर्ने ।

८. साथीहरु संगको सम्बन्ध अथवा संगतको बारेमा सोधपुछ गर्ने ।

९. पारिवारिक अथवा पढाइको तनाबबाट मुक्त राख्ने ।

१०. मदिरा वा चुरोट पिउने विषयका बारेमा जानकारी लिने ।

नोट : तपाईहरुलाई हाम्रो प्रेरक जानकारी कस्तो लाग्यो ? यदि हाम्रो यो जानकारीले अरुको जीवनमा पनि परिवर्तन ल्याओस भन्ने चाहनुहुन्छ भने यो लेखलाई शेयर गर्दिनुहोला । तपाइको एक शेयरले थाहा नभएका हरुले ज्ञान पाउनेछन् भने हामीलाई पनि सहयोग मिल्नेछ ।

Post Comment